- Hindi Shayari

Hindi Shayari – Zindagi

Hindi Shayari
Main apne mummy papa ke saath zindagi bitana chahta hoon,
Unko kitna pyar main karta hoon
Bas yahi batana chahta hoon..
Main apne mummy papa ke saath zindagi bitana chahta hoon,
kitna Unko yaad karoon main
Unko ye ehsaas nahi,
Unke siwa iss zindagi me mera
Aur to koi khaas nahi..
Bas ek baar main unko apne
Gale lagana chahta hoon,
Main apne mummy papa ke saath zindagi bitana chahta hoon,
Itna door kyu aa gaya main
Jaane kya majboori thi
zindagi unke bina adhoori
Unke saath he poori thi,
Ek din main laut aaunga
Ye samjhana chahta hoon,
Main apne mummy papa ke saath zindagi bitana chahta hoon..
Kitni Diwali Guzar gayin
Saath kisi ka mila nahi
Andhere kamre ke kone me
Ek diya bhi jala nahi
Iss Diwali ke sabhi diye main
Unke saath jalana chahta hoon
Main apne mummy papa ke saath zindagi bitana chahta hoon..
Ye lambe lambe raaste
Ye unchi unchi imaaratein
Na dimag ko kahin sukoon hai
Na dil ko ek pal raahatein
Mummy ki godh me sar rakh kar
Khwabon me jana chahta hoon
Main apne mummy papa ke saath zindagi bitana chahta hoon..
Sab hain dhokebaaz yahan
Saare rishte jhoote hain
Kaun apna hai kaun begana
Sabhi to humse roothe hain
Yahi wo rishta hai jo main
Dil se nibhana chahta hoon..
Main apne mummy papa ke saath zindagi bitana chahta hoon..
Written By – Kapil Baliyan

Leave a Reply

Your email address will not be published. Required fields are marked *